Բեյրութում տեղի ունեցած ավերիչ պայթյունի հետևանքով զոհերի թիվը հասել է 137-ի, վիրավորվել է 5 հազար մարդ: Այս մասին հաղորդել են Լիբանանի առողջապահության նախարարությունից:
Զոհների և վիրավորների մասին տվյալները, ամենայն հավանականությամբ, վերջնական չեն. փլատակների մաքրման աշխատանքները շարունակվում են: Ըստ իշխանությունների՝ վնասի չափը կարող է հասնել 15 միլիարդ դոլարի: Երկրում հայտարարվել է եռօրյա սուգ: Բեյրութում արտակարգ դրություն է սահմանվել:
