ԱՄՆ նախագահ Ջո Բայդենի վարչակազմը Ուկրաինա կուղարկի ռազմական օգնության նոր փաթեթ՝ մոտ 125 մլն դոլար արժողությամբ, հայտնում է Associated Press-ը՝ վկայակոչելով ամերիկացի պաշտոնյաներին։
Լրատվամիջոցի տվյալներով, օգնության վերջին փաթեթը ներառում է հակաօդային պաշտպանության հրթիռներ, բարձր շարժունակության հրետանային հրթիռային համակարգերի (HIMARS) զինամթերք, Javelins հակատանկային համակարգեր և բազմաթիվ այլ հակատանկային հրթիռներ, անօդաչուների դեմ և ռադիոէլեկտրոնային պայքարի համակարգեր և սարքավորումներ, 155 մմ և 105 մմ տրամաչափի հրետանային զինամթերք, փոխադրամիջոցներ և այլ սարքավորումներ։
Պաշտոնական հայտարարությունը կարող է արվել արդեն ուրբաթ՝ Ուկրաինայի անկախության օրվա նախօրեին։
Զենքի մատակարարումներն իրականացվում են նախագահի հրամանով, ինչը նշանակում է, որ դրանք վերցվում են Պենտագոնի պահեստներից և կարող են ավելի արագ առաքվել:
