Երեք խաղաղ աֆղանստանցի սպանվել է Պակիստանի հետ սահմանին բախման ժամանակ, երեքշաբթի տեղեկացրել է Աֆղանստանի ՆԳՆ ներկայացուցիչ, մուֆթի Աբդուլ Մատինը, հայտնել է Reuters-ը։
Բախումները տեղի են ունեցել երկուշաբթի ուշ երեկոյան Թորհամ հարավարեւմտյան անցակետի մոտ այն բանից հետո, երբ պակիստանցի սահմանապահները կրակ են բացել աֆղանստանցի սահմանապահների ուղղությամբ, տեղեկացրել է մուֆթին։
Պակիստանյան ուժերը հարվածներ են հասցրել խաղաղ բնակիչների տներին, ինչի հետեւանքով, ըստ նրա, զոհվել են մեկ կին եւ երկու երեխա։
Ինչպես տեղեկացրել է գործակալությունը, Պակիստանի զինված ուժերում չեն պատասխանել միջադեպի վերաբերյալ հարցին։
Սակայն տեղի անվտանգության ծառայության աղբյուրը տեղեկացրել է պակիստանցի երեք զինվորականների վիրավորման մասին մարտական գործողությունների ընթացքում։
Աֆղանստանի եւ Պակիստանի սահմանի երկայնքով, որն անցկացվել է տասնամյակներ առաջ, բրիտանական գաղութատիրության ժամանակներում եւ երկար ժամանակ վիճարկվել է, հաճախ են բախումներ տեղի ունենում երկու երկրների անվտանգության ուժերի միջեւ։
