Թուրքիայի առողջապահության նախարար Ֆահրեթին Քոջան հայտարարել է, որ դիմում է ներկայացրել հանրապետության դեղամիջոցների գործակալությանը՝ կորոնավիրուսի դեմ թուրքական TURKOVAC պատվաստանյութի կիրառման համար, հայտնում է ՏԱՍՍ-ը։
«Հայտ է ուղարկվել TURKOVAC-ի արտակարգ օգտագործման հաստատման համար»,-նրա խոսքը մեջբերում է Anadolu գործակալությունը։
Թուրքական TURKOVAC պատվաստանյութը մշակվել է Էրջիես համալսարանի կողմից։ Այս պահին այն անցնում է կլինիկական փորձարկումների երրորդ փուլը, հանրապետության մի քանի կենտրոններում պատվաստանյութը փորձարկվում է կամավորների վրա։