Թաիլանդի վարչապետ Փհեթհոնգհան Չինավաթը արտակարգ խորհրդակցություն է անցկացրել երկրում տեղի ունեցած ուժգին երկրաշարժից հետո, նշվել է X սոցիալական ցանցի նրա էջում տեղադրված հաղորդագրությունում:
«Փհուկետ նահանգում կայացած հանդիպումից հետո վարչապետը հրավիրել է համապատասխան գերատեսչություններին Բանգկոկում հետագա հանդիպման համար»,- նշվել է հրապարակման մեջ:
Զեկույցում նշվել է, որ Չինավաթը ցուցումներ է տվել տարբեր նախարարությունների արտակարգ իրավիճակի վերաբերյալ եւ հորդորել երկրի քաղաքացիներին ուշադրություն դարձնել միայն կառավարության պաշտոնական տեղեկատվությանը:
7,7 մագնիտուդով երկրաշարժ է տեղի ունեցել Մյանմայի տարածքում՝ Սագայն քաղաքից 12 կիլոմետր հեռավորության վրա։ Օջախը գտնվել է տասը կիլոմետր խորության վրա։ Ցնցումները զգացվել են նաեւ հարեւան երկրներում՝ Բանգլադեշում, Հնդկաստանում, Թաիլանդում, Լաոսում եւ Չինաստանում։ Նաեւ ուրբաթ օրը AFP-ը, վկայակոչելով արտակարգ իրավիճակների ծառայությունները, հայտնել է, որ Բանգկոկում երկնաքերը փլուզվել է հզոր երկրաշարժի հետեւանքով, ինչի արդյունքում փլատակների տակ մնացել է 43 աշխատող:
