Ուկրաինան անօդաչու թռչող սարքերով հարձակվել է Ռուսաստանի Դաշնության Լենինգրադի մարզի Ուստ-Լուգա նավահանգստային ենթակառուցվածքի վրա։
Հարված է հասցվել Ռուսաստանի խոշորագույն նավթային տերմինալին։ Համալիրը զբաղեցնում է մոտ 100 հեկտար տարածք և ունի տարեկան մինչև 30 միլիոն տոննա նավթամթերք արտահանելու կարողություն։
Համացանցում տարածված կադրերում երևում է պայծառ լուսարձակում և առնվազն երկու առանձին հրդեհ նավահանգստային համալիրի տարածքում։ Վնասների չափի և հնարավոր զոհերի կամ տուժածների վերաբերյալ տեղեկությունները ներկայումս ճշտվում են։
