Ռուսաստանի նախագահ Վլադիմիր Պուտինը օգոստոսի 19-ին կարող է այցելել Բաքու։ Այս մասին գրում է BRIEF Telegram ալիքը։
«Ինչպես հայտնել է աղբյուրը, ներկայումս այս այցի նախապատրաստական աշխատանքները շարունակվում են։ Հարցերից մեկը, որը Ռուսաստանի ղեկավարը կարող է քննարկել իր ադրբեջանցի գործընկեր Իլհամ Ալիևի հետ, կլինի անդրկովկասյան հանրապետություն ռուսական բնական գազի մատակարարումը։
Աղբյուրների համաձայն, Մոսկվան և Բաքուն արդեն մի քանի ամիս է, ինչ քննարկում են այդ հարցը, իսկ գործարքի երաշխավորը Թուրքիան է: Հուլիսի սկզբին Ուկրաինայի նախագահ Վլադիմիր Զելենսկին Bloomberg-ին տված հարցազրույցում ասել էր, որ Կիևն ուսումնասիրում է ադրբեջանական գազն իր տարածքով ԵՄ մատակարարելու հնարավորությունը՝ այս տարվա վերջին «Գազպրոմի» հետ տարանցման համաձայնագրի ավարտից հետո։
«Հավանաբար, Եվրոպա ուղարկվող ադրբեջանական գազի կեսը ռուսական կլինի», - ավելի վաղ ասել է գազի արդյունաբերության փորձագետը», - գրում է Telegram ալիքը։
