Ավստրիայի նախկին արտգործնախարար Կարին Քնայսլը ՏԱՍՍ-ին ասել է, որ ՌԴ նախագահ Վլադիմիր Պուտինին համարում է լուրջ առաջնորդ և հարգում է նրան դրա համար։
«Կարծում եմ, որ նա ունի բոլոր անհրաժեշտ նախադրյալները շատ լուրջ ղեկավար լինելու համար: Այսպիսի մեծ երկիրը 23 տարի կառավարելու համար մարդը պետք է որոշակի որակներ ունենա: Ես հարգում եմ նրան դրա համար։
Որովհետև որքան բարձր ես բարձրանում, այնքան քիչ թթվածին է մնում օդում: Նման բարձրության վրա շնչելու, ինտրիգների, նախանձի և թշնամանքի դեմ պայքարելու համար պետք է շատ լավ իմանալ մարդու էությունը և մարդկային կարիքները: Նա հաստատ տիրապետում է դրան»,- ասել է նախկին ԱԳ նախարարը:
Նրա խոսքով, այս բոլոր մեխանիզմները շարժման մեջ պահողը Պուտինն է։
«Եվ դա կենսական է նման ժամանակներում», – ասաց Քնայսլը:
Պատասխանելով այն հարցին, թե սատարո՞ւմ է Պուտինին որպես Ռուսաստանի Դաշնության ղեկավար, Քնայսլն ասել է.
«Տեսեք, ձեր ղեկավարի ընտրությունը ռուսների գործն է, իսկ ես ռուս չեմ»։
