Ադրբեջանի և Ռուսաստանի արտաքին գործերի նախարարներ Ջեյհուն Բայրամովն ու Սերգեյ Լավրովը Մոսկվայում հանդիպում են անցկացնում առանձնազրույցի ձևաչափով։ Այս մասին սոցցանցերում հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նախատեսվում է քննարկել ռուս-ադրբեջանական երկկողմ հարաբերությունները, ինչպես նաև տարածաշրջանային հրատապ հարցերն ու օրակարգում գտնվող թեմաները։
Բանակցությունների արդյունքներով նախարարները նաև համատեղ մամուլի ասուլիս կտան։
