Վարշավայի իշխանությունները մտադիր են 27 մլն դոլար հատկացնել քաղաքում ռումբերի ապաստարանների սարքավորման ու կառուցման համար։ Այս մասին հայտնում է Politico-ն։
Լեհաստանի մայրաքաղաքի քաղաքապետ Ռաֆալ Տրզասկովսկին հայտարարել է, որ ռումբերի ապաստարանները ամենազգալի ներդրումներ կատարելու ռազմավարության մաս են։
Հրատարակությունը պարզաբանում է, որ լեհական ռմբապաստարաններում վերջերս իրականացված աուդիտը ցույց է տվել, որ երկրի բնակչության 4%-ից քիչն ունի պաշտպանական միջոցներ ռմբակոծության դեպքում։ Բացի այդ, գործող ապաստարաններում բացակայում են հիմնական տեխնիկական սարքավորումները:
Խոսելով Վարշավայի մասին՝ Տրզասկովսկին բացատրել է, որ ռումբերի ապաստարանների համար պոտենցիալ հարմար վայրերը ներառում են մետրոն և ստորգետնյա կայանատեղերը, որոնց ընդհանուր մակերեսը կազմում է 7 միլիոն քառակուսի մետր։ «Վարշավան պաշտպանում է» նոր ծրագրով դրանք կապահովվեն էլեկտրականությամբ և ջրով։
