«Լիբերալ կուսակցությունից» Կանադայի խորհրդարանի անդամների ավելի քան մեկ երրորդը ցանկանում է, որ վարչապետ Ջասթին Թրյուդոն հեռանա այս քաղաքական ուժի ղեկավարի պաշտոնից։ Այս մասին հայտնում է CBC հեռուստաալիքը։
Ըստ կուսակցության նրա աղբյուրների՝ այս պաշտոնին հավակնում են ավելի քան 50 լիբերալ պատգամավոր, թեև հրապարակայնորեն այդ մասին հայտնել է ընդամենը 21 պատգամավոր։ Ընդհանուր առմամբ, Լիբերալներն ունեն 153 տեղ Կանադայի խորհրդարանում։
Փոխվարչապետ և ֆինանսների նախարար Քրիստիա Ֆրիլանդը դեկտեմբերի 16-ին հայտարարեց, որ հրաժարական է տալիս, քանի որ Թրյուդոն որոշել է նրան այլ աշխատանքի տեղափոխել։
Նույն օրը ենթակառուցվածքների և համայնքների նախարար Շոն Ֆրեյզերը հայտարարեց կառավարությունից իր հրաժարականի մասին։
Դա առաջացրել է վարչապետի քննադատությունը ընդդիմության և հասարակական գործիչների կողմից, ովքեր պահանջում էին նրա անհապաղ հրաժարականը, քանի որ նա չի կարող վերահսկել իր կաբինետը։
Ինչպես դեկտեմբերի 21-ին հայտնել է CBC-ն, Կանադայի իշխող «Լիբերալ կուսակցության» որոշ ներկայացուցիչներ կարծում են, որ եթե Թրյուդոն հրաժարական տա, Ֆրիլենդը կարող է գլխավորել կուսակցությունը։
