«Թրամփի ճանապարհ» նախագիծը կարելի է Հարավային Կովկասի տարածաշրջանում նոր անվտանգության ճարտարապետությանն ուղղված նվաճում համարել։ Այս մասին«Հայաստան - ԵԱՏՄ, Միասին առաջ» ֆորումի ժամանակ հայտարարեցտնտեսագիտության դոկտոր և «Այլընտրանքային հետազոտությունների կենտրոնի» ղեկավար Թաթուլ Մանասերյան։
Նրա խոսքով, սակայն, հայկական կողմը կարող է ավելի ինտենսիվ աշխատել այս ուղղությամբ, և եթե համեմատենք այն արդյունքների հետ, որոնք ունի Ադրբեջանը...
«Ստորագրումից 2-3 օր առաջ ադրբեջանական կողմը հասցրեց համաձայնագրեր ստորագրել ամերիկյան կողմի հետ տնտեսական համագործակցության տարբեր ոլորտներում։ Հայաստանը կարող էր հարցը բարձրացնել այն երկրի հետ, որը կարևոր, եթե ոչ վճռորոշ դեր է խաղում ՆԱՏՕ-ում՝ բացել ճանապարհ դեպի ծով», - ասաց Մանասերյանը՝ հիշեցնելով, որ Հայաստանն ու Թուրքիան համապատասխան միջազգային պայմանագրերի կողմեր են։
Ինչ վերաբերում է Հայաստանի համար ճանապարհի բացման օգուտներին, տնտեսագետը նշեց, որ պետական մարմինները պետք է կոնկրետ հաշվարկներ կատարեն և ներկայացնեն դրանք հանրությանը։ Ես դա դեռ չեմ տեսնում, հավելեց Թաթուլ Մանասերյանը։
