Թայվանի զինված ուժերը գրանցել են 12 ինքնաթիռ և 5 չինական նավ, որոնք մոտենում են կղզուն վերջին 24 ժամվա ընթացքում։ Այս մասին հայտնել է Թայվանի պաշտպանության նախարարությունը X-ում։
«Այսօր առավոտյան ժամը 6-ից առաջ հայտնաբերվել են 12 PLA ինքնաթիռ և 5 PLA ռազմածովային նավ, որոնք գործում էին Թայվանի շրջակայքում: 5 ինքնաթիռ հատել է միջին գիծը և մտել Թայվանի ՀՕՊ հարավ-արևմտյան գոտի։ Մենք հետևել ենք իրավիճակին և համապատասխան արձագանքել ենք», - ասացին վարչությունից:
Թայվանը կառավարվում է իր սեփական վարչակազմի կողմից 1949 թվականից, երբ Չիանգ Կայ-շեկի (1887-1975) գլխավորած Կուոմինտանգի ուժերի մնացորդները փախան այնտեղ՝ Չինաստանի քաղաքացիական պատերազմում պարտվելուց հետո։ Պեկինը Թայվանը համարում է Չինաստանի Ժողովրդական Հանրապետության գավառներից մեկը։
