Մենք հրաժարվում ենք այն համակարգից, որի համաձայն պետական մարմիններում բոլորը ստանում էին նույն աշխատավարձը։ Այս մասին դեկտեմբերի 25-ին լրագրողների հետ զրույցում հայտարարել է ՀՀ վարչապետ Նիկոլ Փաշինյանը՝ պատասխանելով պետական հատվածի աշխատակիցներին տրամադրվող խոշոր պարգևավճարների մասին հարցին։
Նրա խոսքով՝ այն համակարգը, որի դեպքում գործընկերների հետ համեմատությամբ ավելի բարձր արդյունք ցուցաբերողը նույնաչափ աշխատավարձ է ստանում, ինչ վերջինները, նվազեցնում է մոտիվացիան։ «Մենք 2025 թվականից պետական համակարգում աշխատանքի գնահատում ենք ներդնում՝ հիմնված արդյունքի վրա», - ընդգծել է նա։ Փաշինյանը հավելել է, որ պետական համակարգում աշխատանքի վարձատրությունը պետք է մրցունակ լինի մասնավոր հատվածի համեմատ։
Նրա խոսքով՝ մասնագիտական աճը խթանելու համար պետական համակարգը պետք է ներդնի ճիշտ խրախուսման սխեմաներ և սա տեղավորվում է իշխանությունների կողմից պետության զարգացման և ամրապնդման ռազմավարության շրջանակներում։
