Կատարը հանդիպում կանցկացնի Իրանի հետ՝ ԱՄՆ-ի հ...

Կատարի արտաքին գործերի նախարարության խոսնակ Մաջիդ ալ-Անսարին նոյեմբերի 17-ին մամուլի ասուլիսում հայտարարել է, որ Վաշինգտոնի և Թեհրանի միջև ճգնաժամը կարգավորելու միջնորդական ջանքերը շարունակվում են։ Այս մասին հաղորդում է Al Jazeera-ն։

«Մենք կոչ ենք անում բոլոր կողմերին զսպվածություն ցուցաբերել և խուսափել ցանկացած սրացումից, որը կարող է բացասաբար ազդել միջնորդական ջանքերի վրա։

Միջնորդական ջանքերի շրջանակներում այսօր հանդիպում կանցկացվի իրանական կողմի հետ ներկայիս առաջարկների շուրջ մտքերի փոխանակման նպատակով», - ասել է նա։

Ալ-Անսարին հավելել է, որ հանդիպման նպատակն է մերձեցնել կողմերի դիրքորոշումները։

Կատարը հանդես է գալիս որպես ԱՄՆ-ի և Իրանի միջև դիվանագիտական միջնորդ՝ նպատակ ունենալով թուլացնել տարածաշրջանային լարվածությունը և հասնել հակամարտության դադարեցման համաձայնագրի։ Այս գործընթացում Դոհային աջակցում են նաև տարածաշրջանային այլ գործընկերներ, մասնավորապես՝ Պակիստանը։