Իսրայելի պաշտպանության նախարար Յոավ Գալանտը խոստացել է ավելացնել մարդասիրական օգնության մատակարարումները Գազայի հատվածին՝ օրական հասցնելով ավելի քան 500 բեռնատարի։
Ինչպես հաղորդում է The Jerusalem Post թերթը, նախարարը հայտարարել է ընդհանուր առմամբ հինգ նման կարգի նախաձեռնության մասին։ Այդ մասին հաղորդում է ՏԱՍՍ գործակալությունը:
«Մենք նախատեսում ենք Գազան ողողել օգնությունով և ակնկալում ենք, որ շուտով կհասնենք օրական 500 բեռնատար ցուցանիշի: Մենք նաև կարագացնենք անվտանգության ստուգումները և կուժեղացնենք աշխատանքը միջազգային գործընկերների հետ »,- ասել է նա։
Ռազմական գերատեսչության ղեկավարը խոստացել է «դասեր քաղել» World Central Kitchen-ի յոթ աշխատակիցների մահվան միջադեպից և ստեղծել միջազգային կազմակերպությունների հետ գործողությունների համակարգման մեխանիզմ։ Նախարարի խոսքով՝ Իսրայելը նաև ԱՄՆ-ի հետ կաշխատի «արհեստական կղզի» ստեղծելու նախագծի վրա՝ մարդասիրական օգնության համախմբման և բաշխման համար։
Ինչպես ապրիլի 10-ին հայտնել է պաշտպանության նախարարությանը կից պաղեստինյան տարածքներում Իսրայելի կառավարության գործողությունները համակարգող գրասենյակը, իշխանությունները մեծացնում են Գազայի հատված տարվող մարդասիրական օգնության ծավալը։ Վերջին երեք օրվա ընթացքում անկլավ է մտել ավելի քան 1,2 հազար բեռնատար։
Միևնույն ժամանակ, ինչպես հաղորդել ԱՄՆ կենտրոնական հրամանատարությունը (CENTCOM), Միացյալ Նահանգներն ապրիլի 10-ին իրականացրել է օդային ճանապարհով մարդասիրական օգնության հերթական խմբաքանակը Գազայի հատվածի հյուսիսային հատված հասցնելու գործողություն։ Ամերիկյան ինքնաթիռները նետել են ավելի քան 50 հազար միավոր պարեն։ Ընդհանուր առմամբ, ԱՄՆ զինված ուժերը Գազայի հատված են հասցրել մոտ 852 տոննա մարդասիրական օգնություն:
