Իրանի զինված ուժերը անցյալ գիշեր անօդաչու թռչող սարքերի (ԱԹՍ) միջոցով հարվածներ են հասցրել Բահրեյնում ԱՄՆ-ի «Շեյխ Իսա» և Հորդանանում «Ալ-Ազրաք» բազաներին՝ խոցելով վառելիքի պահեստարանները և պահեստները։ Այդ մասին հայտնել է բանակի մամուլի ծառայությունը, հաղորդում է ՏԱՍՍ-ը:
«Իրանի անօդաչու թռչող սարքերը հարվածներ են հասցրել վառելիքի պահեստներին, պահեստարաններին և սարքավորումներով մեծ անգարներին ու ամերիկյան ահաբեկչական բանակի ուժերի տեղակայման վայրերին Բահրեյնի «Շեյխ Իսա» բազայում։
Գործողության ընթացքում անօդաչուներով գրոհի են ենթարկվել նաև ինքնաթիռների վերանորոգման ու սպասարկման անգարները և Հորդանանի «Ալ-Ազրաք» բազայում ամերիկյան բանակի տեղակայման վայրերը», - ասված է հայտարարությունում։
