«Հրապարակ» թերթը գրում է. «ԵԿՄ նախագահ Սասուն Միքայելյանը մտադիր է, այսպես կոչված, վստահության հանրաքվե անցկացնել Երկրապահ կամավորականների միությունում ու հասկանալ, թե ովքեր են մնացել իր կողքին, ովքեր՝ հեռացել։ Մենք գրել էինք, որ հետպատերազմական ժամանակներում նա գրեթե միայնակ է մնացել, «Երկրապահի» տղաները երես են թեքել նրանից ու գրեթե չեն հաճախում կառույց։
Ի դեպ, տեւական ժամանակ Սասուն Միքայելյանն արդարանում էր, թե հիվանդ է, եւ դա է պատճառը, որ ԱԺ աշխատանքի չի գնում, սակայն երեկ շատ առողջ ու խրոխտ տեսքով կանգնել էր Նիկոլ Փաշինյանի ետեւում՝ Հանրապետության հրապարակի հանրահավաքին էր մասնակցում։ Սա այն գինն է, որ ՔՊ առաջնորդը պահանջում է Միքայելյանից՝ Կոտայքի մարզը, որպես վոտչինա, նրան հանձնելու, նրա ազգուտակին պաշտոններ տալու դիմաց»:
Առավել մանրամասն՝ թերթի այսօրվա համարում
