Ծայրագավառային տրամաբանության համաձայն՝ որոշ մարդիկ եզրակացնում են, որ եթե Հայաստանի ղեկավարը բարձրացնում է Հայ առաքելական եկեղեցու Կանոնագրքի հարցը, իսկ այդ հարցը, հենց այդ նույն մարդկանց կարծիքով, գտնվում է Թուրքիայի իրավասության ներքո, նշանակում է՝ Հայաստանի ղեկավարը լիազորություններ է ստացել Թուրքիայի ղեկավարից։ Այս մասին դեկտեմբերի 25-ին լրագրողների հետ զրույցում հայտարարել է ՀՀ վարչապետ Նիկոլ Փաշինյանը։
Նրա խոսքով, նա էլ չի զարմանում թուրքական իշխանությունների կողմից Ամենայն հայոց կաթողիկոսի ընտրության վերաբերյալ մեկնաբանություններից։ «Դարեր շարունակ Թուրքիայի ղեկավարն է նշանակել Ամենայն Հայոց կաթողիկոս։ Որոշ դարեր ի վեր՝ Պարսկաստանի ղեկավարը, որոշ դարեր ի վեր՝ Ռուսաստանի ղեկավարը և այդպես շարունակ։ Մինչև հիմա վերջին էդպիսի փաստաթղթերը, որ ընդունվել են, ընդունվել են կա՛մ ռուսական, կա՛մ թուրքական կայսրության ֆորմատով։ Տենց կուլտուրա չկա։», - հավելել է նա։
Նրա խոսքով՝ այս մարդիկ տարօրինակ չեն համարում, որ թուրք սուլթանի կամ ռուս ցարի կողմից ընդունված կանոնները դեռևս ուժի մեջ են։ «Հետևաբար, երբ նման հարց է բարձրացվում, այս տրամաբանությունը ենթագիտակցորեն սկսում է աշխատել նրանց օգտին», - ընդգծել է նա։
Փաշինյանի խոսքով՝ ավելի քան 500 տարի շարունակ Հայաստանի կողմից ներկայացվող հայրենիքը և Պարսկական, Օսմանյան կամ Ռուսական կայսրությունների կողմից ներկայացվող պետությունը հայերի համար տարբեր հասկացություններ են եղել և պետության ընկալումը, ի տարբերություն հայրենիքի, հաճախ բացասական է եղել։ «Մենք պետք է փոխենք այս ընկալումը, քանի որ հիմա հայրենիքը պետությունն է», - եզրափակել է նա։
