Հայաստանը ցանկանում է ռազմավարական գործընկերության փաստաթուղթ ստորագրել Իրանի հետ։ Այս մասին դեկտեմբերի 25-ին լրագրողների հետ զրույցում հայտարարել է ՀՀ վարչապետ Նիկոլ Փաշինյանը։
Նա բարձր է գնահատել Թեհրանի հետ հարաբերությունների դինամիկ զարգացումը։ «Իրանի Իսլամական Հանրապետության հետ մեր հարաբերությունները շատ բարձր մակարդակի վրա են և մենք ցանկություն ունենք նաև Իրանի հետ ռազմավարական գործընկերության փաստաթուղթ ստորագրել», - հավելել է Փաշինյանը։
Հիշեցնենք, որ Հայաստանը 2025 թվականի սկզբին ստորագրել է ԱՄՆ-ի հետ ռազմավարական գործընկերության խարտիան, իսկ վերջերս՝ Եվրամիության հետ՝ ռազմավարական գործընկերության օրակարգը։
