Խորհրդարանի անդամ Ադգուր Խարազիան կասկածվում է խորհրդարանի շենքում հրաձգություն կատարելու մեջ, որի հետևանքով մեկ պատգամավոր սպանվել է, մյուսը վիրավորումներով հիվանդանոցում է։ Այս մասին լրագրողներին հայտնել է նաեւ ներքին գործերի նախարարի ԺՊ Ռոբերտ Կյուտը, փոխանցում է ՏԱՍՍ-ը։
«Աբխազիայի խորհրդարանում կրակելու մեջ կասկածվում է պատգամավոր Ադգուր Խարազիան, որը դեպքի վայրից փախել է», - ասել է Կիուտը։
Ավելի վաղ, գլխավոր դատախազի տեղակալ Ռուսլան Տիրկբան ասել էր, որ օպերատիվ-որոնողական աշխատանքներ են իրականացվում՝ կրակողի ինքնությունը պարզելու և նրան անհապաղ կալանավորելու ուղղությամբ։ Նրա խոսքով, դեպքի վայրում զննում են Սուխումի դատախազության քննչական խումբը և գլխավոր դատախազության ներկայացուցիչները՝ հանցագործության հետքերը և այլ հանգամանքներ պարզելու նպատակով։ Կարճ ժամանակում քրեական գործ կհարուցվի։ Նա պարզաբանել է, որ փոխհրաձգությունը տեղի է ունեցել խորհրդարանի շենքում՝ տնտեսական քաղաքականության հանձնաժողովի նիստի ժամանակ։ Հանձնաժողովի նիստի ժամանակ պատգամավորների միջև կոնֆլիկտ է տեղի ունեցել, այնուհետև՝ կրակոցներ են հնչել։
Աբխազիայի Առողջապահության նախարարության մամուլի ծառայության հաղորդմամբ, Ժողովրդական ժողովի երկու պատգամավորներ հրազենային վնասվածքներով տեղափոխվել են Սուխումի հանրապետական հիվանդանոց։ «Բժիշկները ցուցաբերել են անհրաժեշտ ողջ օգնությունը, սակայն նրանց չի հաջողվել փրկել պատգամավոր Վախթանգի Գոլանձիայի կյանքը։ Պատգամավոր Կան Կվարչիան ձախ ուսի և գլխի վիրավորումներով տեղափոխվել է վիրահատարան, ձեռնարկվում են բոլոր անհրաժեշտ միջոցները»,- գլխավոր բժիշկ Էրիկ Հաթվայի խոսքերն է մեջբերում Առողջապահության նախարարության մամուլի ծառայությունը։
