Գազայի հատվածում վերջին 24 ժամվա ընթացքում Իսրայելի հարվածների հետևանքով առնվազն 50 մարդ է զոհվել: Այս մասին հայտնում է քաթարական Al Jazeera հեռուստաալիքը։
Իսրայելական բանակը հրթիռակոծել է վրանային ճամբարը, որտեղ տեղահանված մարդիկ են եղել Ալ-Մավասի շրջանում՝ Խան Յունիսից արևմուտք: Գազայի հատվածի հյուսիսում գտնվող Քամալ Ադվան հիվանդանոցը ինտենսիվ հրետակոծության է ենթարկվում, նշում է հեռուստաալիքը։
Ըստ անկլավի առողջապահության նախարարության՝ 2023 թվականի հոկտեմբերին՝ ռազմական գործողության մեկնարկից ի վեր, Գազայի հատվածում իսրայելական ռազմական գործողությունների հետևանքով ավելի քան 45,2 հազար պաղեստինցի է զոհվել, ավելի քան 107,6 հազարը վիրավորվել է։
