Հայաստանի պաշտպանության նախարարությունը 2020թ․ ընթացքում ընդհանուր 1,8 միլիարդ դրամի պայմանագրեր է կնքել Տնտեսական մրցակցության պաշտպանության պետական հանձնաժողովի (ՏՄՊՊՀ) անդամ (2019թ․ հունիս-2021թ․ ապրիլ) Էդգար Ճաղարյանի եղբորը պատկանող ընկերության հետ, գրում է Hetq.am–ը
Էդգար Ճաղարյանի եղբորը՝ Կարեն Ճաղարյանին պատկանող ընկերությունը «Կար Պետրոլ» ՍՊԸ-ն է, որը հիմնադրվել է 2020թ․ հունիսի 8-ին։ Իրավաբանական անձանց պետական ռեգիստրի տվյալներով՝ ընկերության 75% բաժնեմասի սեփականատերը և տնօրենը Կարեն Ճաղարյանն է, իսկ մնացած 25% բաժնեմասը պատկանում է Դավիթ Գարեգինի Կիրակոսյանին։
Հաջորդ պայմանագիրը կնքվել է 2020-ի օգոստոստի 13-ին։ Պայմանագրի ընդհանուր արժեքը կազմել է 1 մլրդ 165 մլն դրամ։ Այդ գումարի դիմաց Էդգար Ճաղարյանի եղբոր ընկերությունը պաշտպանության նախարարությանը մատակարարել է 3438 տոննա ավիացիոն կերոսին։
Հաջորդ և վերջին պայմանագիրը պաշտպանության նախարարության և «Կար Պետրոլ» ՍՊԸ-ի միջև կնքվել է սեպտեմբերի 17-ին։ Այս գործարքի արժեքը անհամեմատ զիջում է նախորդներին։ 43 մլն դրամի դիմացը ընկերությունը ՊՆ-ին մատակարարել է 50 տոննա ավիացիոն կերոսին։
Նյութն ամբողջությամբ կարդացեք սկզբնաղբյուրում։
