Վրաստանում խորհրդարանի նիստը սկսվել է պատգամավորների միջև վեճով, հաղորդում է Վրաստանի Առաջին ալիքը։
Ընդդիմադիր «Քաղաքացիներ» կուսակցության պատգամավորը հայտարարել է, որ «Օտարերկրյա գործակալների մասին» օրինագիծը կրկին ներկայացնելը վիրավորանք է բոլորի համար և հանդիսանում է «ռուսական օրենք»։
«Ռուսական օրենք» արտահայտությունից դժգոհ խորհրդարանի նախագահը պատգամավորին դուրս է հրավիրել դահլիճից։
Նշենք, որ օրինագիծը դարձյալ շրջանառության մեջ է դրել Վրաստանի իշխող քաղաքական ուժը՝ «Վրացական երազանք» կուսակցությունը։
2023 թվականին ևս շրջանառության մեջ էր դրվել, ապա աղմուկից հետո հանվել։ Այս անգամ «օտարերկրյա գործակալ» տերմինը փոխարինվել է «արտերկրում գործող ուժերի շահերը առաջ տանող կազմակերպություն»-ով։
