Ռուսաստանի կառավարությունը հուլիսի 1-ից ժամանակավորապես դադարեցնում է Ֆինլանդիայի, Էստոնիայի և Լատվիայի հետ սահմանին գտնվող երկաթուղային անցակետերով երթևեկությունը։ Համապատասխան կարգադրությունը հրապարակվել է իրավական ակտերի պորտալում։ Որոշման պատճառների մասին չի հաղորդվում, սահմանափակումների ժամկետները նույնպես չեն նշվում։
«2026 թվականի հուլիսի 1-ից ժամանակավորապես դադարեցնել անձանց, տրանսպորտային միջոցների, ապրանքների և բեռների տեղաշարժը Ռուսաստանի Դաշնության պետական սահմանի առանձին հատվածներում գտնվող՝ հավելվածով սահմանված ցանկի համաձայն, Ռուսաստանի Դաշնության պետական սահմանով անցնող երկաթուղային անցակետերով», — ասվում է փաստաթղթի տեքստում։
