Թուրքիայի պաշտպանության նախարարությունը փետրվարի 2-ին հայտնել է Իրաքի հյուսիսային հատվածում օդային ռազմագործողություն անցկացնելու մասին: Այս մասին հայտնում է Ermenihaber.am-ը։
Նշվել է, որ Ասոսի շրջանում անցկացված գործողության արդյունքում սպանվել է Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ) 4 անդամ:
Հայտարարության մեջ նշվել է, որ «ահաբեկչության դեմ պայքարը շարունակվելու է այնքան, որքան կպահանջվի մինչև իրենց կողմից ճանաչված վերջին ահաբեկչի վնասազերծումը»:
