Ստամբուլում փետրվարի 6-ին դատարանի շենքի մոտ զինված հարձակման հետևանքով վիրավորների թիվը հասել է վեցի, որոնց թվում երեք ոստիկան կա։ Հարձակվողները՝ մեկ կին և մեկ տղամարդ, սպանվել են: Այս մասին հայտնում Al Jazeera-ն:
Թուրքիայի նախագահ Ռեջեփ Թայիփ Էրդողանը հայտնել է, որ վիրավորներից մեկը հիվանդանոցում մահացել է, սակայն չի հստակեցրել՝ տուժածը քաղաքացիական անձ է, թե ոստիկանության աշխատակից:
Հարձակվողներն առավոտյան կրակ էին բացել դատարանի շենքի մոտ գտնվող ոստիկանական անցակետի վրա: Արդարադատության նախարարը հայտնել էր, որ դատախազությունը հետաքննություն է սկսել։
