Փարիզի դատարանում Ֆրանսիայի նախկին նախագահ Նիկոլա Սարկոզին մեղավոր է ճանաչվել 2012 թվականի նախընտրական արշավի ծախսերի անօրինական ֆինանսավորման գործով, հայտնում է BFM TV-ն:
Պատիժը դեռ չի բարձրաձայնվել: Դատավորը շարունակում է կարդալ դատավճիռը:
Ինքը՝ Սարկոզին, ներկա չի եղել դատավճռի հրապարակմանը, նրան ներկայացնում է փաստաբան Թիերի Էրզոգը:
Հիշեցնենք, որ գործով դատական նիստերը, որոնք ԶԼՄ-ներն անվանվել են Bygmalion՝ PR գործակալության անունով, որը տեղեկատվական աջակցություն է ցուցաբերել Սարկոզիի 2012-ի մայիսի 20-ից հունիսի 22-ն անցկացվող նախընտրական քարոզարշավին: Սարկոզին նիստերին եկել է միայն մեկ անգամ`ցուցմունք տալու համար:
Ըստ մեղադրող կողմի՝ քաղաքական գործչի շտաբը կեղծ հաշիվներ է օգտագործել գործակալության կազմակերպած հանդիպումների համար՝ նախագահական քարոզարշավի վրա ավելորդ ծախսերը թաքցնելու համար:
Ավելի վաղ Ֆրանսիայի նախկին նախագահ Նիկոլա Սարկոզին դատապարտվել էր 3 տարվա ազատազրկման, որից երկուսը՝ պայմանականորեն:
