Մենք պատրաստվում ենք Ադրբեջանին տրամադրել TRIPP-ը։ Նախագիծը շուտով կգործարկվի։ Սակայն Ադրբեջանն այդպես էլ չի հաստատել Հայաստանի հետ խաղաղության պայմանագիր ստորագրելու իր պատրաստակամությունը։ Այս մասին հոկտեմբերի 27-ին Ազգային ժողովի նիստում՝ «Թրամփի ուղի՝ հանուն միջազգային խաղաղության և բարգավաճման» (TRIPP) նախագծով Հայաստանի և ԱՄՆ-ի միջև ռազմավարական համագործակցության մասին շրջանակային համաձայնագրի վավերացման նախագծի քննարկման ժամանակ, հայտարարեց ընդդիմադիր «Ուժեղ Հայաստան» խմբակցության ղեկավար Նարեկ Կարապետյանը։
«Ադրբեջանը նորանոր պայմաններ է առաջ քաշելու։ Նրա գլխավոր նպատակն իր համար այդքան բաղձալի ճանապարհն ստանալն է՝ միաժամանակ չապաշրջափակելով կոմունիկացիաները և դրանով իսկ սահմանափակելով Հայաստանի Հանրապետության տնտեսական զարգացումը», — նշեց Կարապետյանը։
Կարապետյանի խոսքով՝ քանի դեռ Բաքուն տեսնում է, որ պաշտոնական Երևանի զիջումների հաշվին կարելի է ինչ-որ բանի հասնել, նա շարունակաբար ձգձգելու է խաղաղության պայմանագրի ստորագրումը։
