Իսրայելական կողմը պատրաստ է երկու շաբաթով դադարեցնել ռազմական գործողությունները Գազայի հատվածում՝ անկլավում պահվող պատանդներին ազատելու համար, սակայն կողմերը դեռ հեռու են համաձայնությունից, արմատական պաղեստինյան ՀԱՄԱՍ շարժումը մերժում է այդ առաջարկը։ Այս մասին հայտնում է իսրայելական արաբալեզու Makan-33 հեռուստաալիքը։
Երուսաղեմում նրա աղբյուրների համաձայն, Իսրայելը պատրաստ է երկշաբաթյա հրադադարի` պայմանով, որ ազատ արձակվեն տասնյակ առևանգված մարդիկ՝ իսրայելական բանտերից պաղեստինցի բանտարկյալների, այդ թվում՝ ահաբեկչության համար դատապարտվածների ազատ արձակման դիմաց: Սակայն, ըստ այդ աղբյուրների, կողմերը «դեռ հեռու են փոխըմբռնումից»։
