Հրադադարի համաձայնագրի շրջանակներում Իրանը Հորմուզի նեղուցով օրական բաց կթողնի ոչ ավելի, քան 15 նավ։ Այս մասին ՏԱՍՍ-ին հայտնել է իրանական բարձրաստիճան աղբյուրը՝ Իսլամաբադում կայանալիք բանակցություններից առաջ։
«Հրադադարի գործող ռեժիմի պայմաններում Հորմուզի նեղուցով թույլատրվում է անցնել օրական ոչ ավելի, քան 15 նավի։ Այդ շարժը խստորեն կախված է Իրանի համաձայնությունից և կոնկրետ արձանագրության պահպանումից։ Այս նոր նորմատիվ իրավական բազան, որը գործում է Իսլամական հեղափոխության պահապանների կորպուսի հսկողության ներքո, պաշտոնապես հասցվել է տարածաշրջանի կողմերի գիտությանը։ Վերադարձ նախապատերազմյան ստատուս քվոյին չի լինելու»,- ասել է աղբյուրը։
