Հյուսիսային Կորեան, ամենայն հավանականությամբ, պատրաստվում է լրացուցիչ զորքեր ուղարկել Ուկրաինայում պատերազմին մասնակցելու համար, ինչպես նաեւ ռազմական տեխնիկա ուղարկելուն, այդ թվում կամիկաձե-դրոններ, տեղեկացրել է Yonhap-ը՝ հղում կատարելով հարավկորեացի զինվորականներին։
«Բազմաթիվ հետախուզական տվյալների համալիր գնահատումը ցույց է տալիս, որ Հյուսիսային Կորեան պատրաստվում է փոխատեղել կամ ավելացնել զորքերի տեղակայումը [Ռուսաստանում]»,- գործակալությունը մեջբերել է Հարավային Կորեայի Միավորված շտաբների պետերի հայտարարությունը:
Հարավային Կորեայի հետախուզությունն ավելի վաղ Հյուսիսային Կորեայի ռազմական կորուստները պատերազմում գնահատել էր մոտավորապես 1 100-ի չափով, այդ թիվը ներառում է ե՛ւ սպանված զինվորներին (100), ե՛ւ վիրավորներին:
«Կան նաեւ որոշ նշաններ, որ Հյուսիսը փորձում է ստեղծել կամիկաձե- անօդաչուների արտադրություն եւ մատակարարել դրանք, ինչի մասին առաջին անգամ հաղորդվել է նոյեմբերին Կիմ Չեն Ընի տեսչական այցի ժամանակ»,- ավելացրել է կոմիտեն:
Հյուսիսկորեական լրատվամիջոցները հայտնել են, որ Կիմ Չեն Ընը նոյեմբերին դիտարկել է տարբեր տեսակի անօդաչու սարքերի փորձարկումը եւ կոչ արել դրանց լայնածավալ արտադրություն սկսել, գրել է Yonhap-ը։
