Հունգարիան հույս ունի համաձայնության գալ ԵՄ իշխանությունների հետ մինչեւ տարեվերջ ֆինանսավորում ստանալու համար, գրում է MTI պետական լրատվական գործակալությունը՝ հղում անելով ԵՄ հարցերով նախարարին:
Եվրահանձնաժողովը սառեցրել է ԵՄ որոշ միջոցների հասանելիությունը Հունգարիայի եւ Լեհաստանի համար՝ կապված նրանց կառավարությունների դիրքորոշման հետ միգրացիայի, կանանց եւ գեյերի նկատմամբ խտրականության եւ ինստիտուտների, այդ թվում՝ լրատվամիջոցների եւ դատարանների նկատմամբ պետական վերահսկողության հետ:
Հունգարիայի նախարար Թիբոր Նավրաշիչը հայտարարել է, որ Բուդապեշտը կանի ամեն ինչ, որպեսզի համաձայնագիր ստորագրի Հունգարիայի վերականգնման ծրագրի վերաբերյալ «տարվա երկրորդ կեսին կամ մինչեւ տարեվերջ»:
Հունգարիան սկզբում խնդրել էր 7,2 միլիարդ եվրո դրամաշնորհ տրամադրել համավարակի վերականգնման ծրագրի շրջանակներում, սակայն Ուկրաինայի պատերազմից հետո վարչապետ Վիկտոր Օրբանն հայտարարել է, որ նախատեսում է նաեւ օգտվել ծրագրի շրջանակներում առաջարկվող էժան վարկերից, հայտնում է Reuters-ը:
