Հայաստանն ու Վրաստանը բախվում են Արևմուտքի բացահայտ և անամոթ միջամտությանը քաղաքական իրավիճակին։ Այս մասին հայտարարել է ՌԴ Անվտանգության խորհրդի (ԱԽ) քարտուղար Սերգեյ Շոյգուն Անվտանգության խորհրդի գիտափորձագիտական խորհրդի նախագահության անդամների խորհրդակցության ժամանակ, հայտնում է ՏԱՍՍ-ը:
«Արևմուտքը բացահայտ և անամոթաբար փորձում են միջամտել քաղաքական իրավիճակին։ Անդրկովկասում մենք կարող ենք դա տեսնել ոչ միայն Հայաստանի, այլև Վրաստանի օրինակով», - նշել է նա։
Անվտանգության խորհրդի քարտուղարը վստահություն է հայտնել, որ պետությունների միջև անլուծելի հակասություններ չեն լինում, իսկ երբ տարաձայնություններ են առաջանում, հարկավոր է անմիջապես գնահատել, թե ում է ձեռնտու հարևան ժողովուրդներին ու պետություններին իրար դեմ հանելը։
«Որպես կանոն, դրա հետևում կանգնած է Արևմուտքը, որը շահագրգռված է տնտեսության շահութաբեր ճյուղերի, տրանսպորտային-լոգիստիկ միջանցքների և ռեսուրսների նկատմամբ իրենց վերահսկողության պահպանմամբ», - ընդգծել է նա:
Այս համատեքստում Շոյգուն հղում է կատարել Վրաստանի խորհրդարանի խոսնակ Շալվա Պապուաշվիլիի վերջին հայտարարությանը, որը հստակ և ողջամտորեն հայտարարել է, որ գուցե Ռուսաստանի հետ էսկալացիան մտնում է Գերմանիայի կամ Լիտվայի շահերի մեջ, բայց ոչ Վրաստանի։
