ԱՄՆ Կոնգրեսի Ներկայացուցիչների պալատի կողմից Ռուսաստանի նավթագազային արտահանման սահմանափակումների մասին օրենքի հաստատումը, որը մամուլում բնութագրվել է որպես «դժոխային պատժամիջոցներ», ոչ բարեկամական ակցիա է։ Այսպիսի բնութագիր է տվել ճեպազրույցում Ռուսաստանի նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Դա վերաբերում է ոչ բարեկամական գործողություններին»,- նշել է նա։
Պեսոկվը նշել է, որ Ռուսաստանի նավթագազային արտահանման դեմ «դժոխային պատժամիջոցները» ուժի մեջ մտնելու դեպքում միայն կբարդացնեն Ուկրաինայում խաղաղ կարգավորման որոնումը։
«Իհարկե, ԱՄՆ-ի կողմից որևէ լրացուցիչ պատժամիջոցների սահմանումն անպայմանորեն կբարդացնի Ուկրաինայում խաղաղ կարգավորման որոնման ջանքերը», - նշել է Կրեմլի ներկայացուցիչը։
Հիշեցնենք, որ ավելի վաղ ԱՄՆ Ներկայացուցիչների պալատը հավաքել էր անհրաժեշտ թվով ձայներ հանգուցյալ սենատոր Լինդսի Գրեհեմի հեղինակած՝ Ռուսաստանի դեմ նոր պատժամիջոցներ սահմանելու մասին սենատական օրինագծի տարբերակին հավանություն տալու համար, վերջնական փաստաթուղթը կուղղվի նախագահ Դոնալդ Թրամփի ստորագրմանը։
