Պաղեստինյան Համասը կոչ է արել աշխարհին «միասնական դիրքորոշում» ընդունել Իսրայելին զսպելու համար և «վերջ դնելու նրա հանցագործություններին», հաղորդում է «Ալ Ջազիրան»։
«[Իսրայելի] ագրեսիան վտանգավոր սրացում է, որը սպառնում է անկայունացնել տարածաշրջանը և արտացոլում է ծայրահեղական Նեթանյահուի կառավարության պնդումը՝ տարածաշրջանը բաց բախման մեջ ներքաշելու հարցում», - ասվում է խմբի Telegram-ում հրապարակված հայտարարության մեջ։
Խմբավորումը հարձակումը անվանել է «դաժան ագրեսիա, որը միջազգային նորմերի և կոնվենցիաների կոպիտ խախտում է», հավելելով, որ այն հաստատում է, որ Իսրայելը «գոյության սպառնալիք է ներկայացնում ամբողջ տարածաշրջանի համար»։ Համասը «լիակատար համերաշխություն է հայտնել Իրանի Իսլամական Հանրապետության հետ» և իր «խորը ցավակցություններն» է հայտնել Իրանի ղեկավարությանը և ժողովրդին՝ բարձրաստիճան հրամանատարների և միջուկային գիտնականների մահվան կապակցությամբ։
