Ոչ մի բան էլ չեմ նկատում․ Ազգային ժողովում լրագրողների հետ զրույցում այսպես ասաց «Բարգավաճ Հայաստան» խմբակցության ղեկավար Գագիկ Ծառուկյանը՝ պատասխանելով հարցին, թե արդյոք ճգնաժամ չի նկատում Սահմանադրական դատարանի շուրջ և ինչ է կարծում ՍԴ անդամ Վահե Գրիգորյանի հայտարարությունների մասին:
«Մարդիկ չքնեն, հելնեն, ինչ-որ մի եզրակացություն, միտք ասեն, ու ամբողջը այդ ուղղությամբ գնա»,- ասաց նա:
Մեկ այլ հարցի էլ, թե հնարավոր է, որ ԱԺ-ում քննարկումներ նախաձեռնվեն Վահե Գրիգորյանի նամակի քննարկման առիթով, Գագիկ Ծառուկյանը պատասխանեց․ «Մեզ դեռ այդ մասին բան չեն ասել, մենք դեռ չենք քննարկել: Երբ որ մեզ դիմեն, մենք պատրաստ ենք խմբակցությունում հավաքվել և քննարկել: Ձեզ տեղյակ կպահենք»,- ասաց նա:
