Եգիպտոսի Հուրգադայի ափերի մոտ զբոսանավի վթարի հետևանքով վեց մարդ է զոհվել, այդ թվում՝ հինգ ռուս, հայտնում է РИА Новости-ն՝ հղում անելով եգիպտական շտապօգնության ծառայության աղբյուրին։
«Մահացածների թվում են հինգ ռուսներ, մյուս մահացածի ինքնությունը պարզված չէ»,- ասել է գործակալության աղբյուրը։
Աղբյուրը մանրամասնում է, որ Հուրգադայի հիվանդանոցներ է ընդունվել 21 տուժած, այդ թվում՝ 14 ռուս, երեք եգիպտացի, երեք Հնդկաստանի քաղաքացի և ևս մեկ մարդ, ում ինքնությունը դեռ պարզված չէ։
«Փաստաթղթի համաձայն՝ զբոսաշրջիկներն ընդունվել են գլխի և վերջույթների վնասվածքներով, կապտուկներով, շնչառական դժվարություններով»,- պարզաբանել է նա։
Միաժամանակ կան առանց տեսանելի վնասվածքների հիվանդներ։
Միջադեպը տեղի է ունեցել Սինդբադ հյուրանոցի զբոսանավի հետ, որում եղել են 45 ռուս զբոսաշրջիկներ Biblio Globus ընկերությունից։
Հուրգադայում ՌԴ գլխավոր հյուպատոսությունը հաստատել է ՌԴ հինգ զոհված քաղաքացիների մասին տեղեկությունը։ Նրանք պարզաբանել են, որ նրանցից երկուսը երեխաներ են։
Նախկինում դիվանագիտական առաքելությունից ՌԻԱ Նովոստիին հայտնել էին, որ վթարից հետո 38 ռուսաստանցի է փրկվել, սակայն մնացածների ճակատագիրը դեռևս անհայտ է։ Գլխավոր հյուպատոսությունը նշել է, որ 24 մարդ տեղափոխվել են հյուրանոցներ, իսկ մնացած 14-ը գտնվում են հիվանդանոցներում։
Հոսպիտալացվածների թվում են նաև Եգիպտոսի երեք, Հնդկաստանի երեք քաղաքացիներ և մեկ անհայտ տղամարդ։
