ԱՄՆ-ի Նյու Յորք քաղաքում գումար շորթելու մեղադրանքով ձերբակալվել են վրացական հանցավոր խմբավորման չորս անդամներ, հայտնում է «Ռուսթավի 2»-ը։
Ձերբակալվածների թվում են օրենքով գող Վաժա Գաբադաձեն (Նաթան Յուսուպով) և նրա երեք հանցակիցները՝ Կախա Կացաձեն, Թեյմուրազ Թավբերիձեն՝ հայտնի Թավա մականունով և Դավիթ Տիկարաձեն։ Նրանք բոլորը Քութայիսիի բնակիչներ են։ Ըստ մեղադրական եզրակացության, 2022 թվականի սեպտեմբերից մինչև 2023 թվականի օգոստոսը խմբի անդամները տուժածից գումար են պահանջել՝ սպառնալով ֆիզիկական վնաս հասցնել։ Մեղավոր ճանաչվելու դեպքում նրանց սպառնում է մինչև 20 տարվա ազատազրկում։
Վաժա Գաբադաձեն, որն առավել հայտնի է որպես Վաժա Քութաիսցի, ծնվել է 1983թ.։ Նա թագադրվել է Աթենքում 2012 թվականի հոկտեմբերի 28-ին Դեդ Հասանի կլանի կողմից։
