Նախօրեին Ռուսաստանում ԱՄՆ-ի նոր դեսպան Լին Թրեյսիի վրա հարձակվել է ամբոխը, որը հակաամերիկյան կարգախոսներ էր վանկարկում ՌԴ ԱԳՆ շենքի մուտքի մոտ, ուր Թրեյսին եկել էր իր հավատարմագրերը հանձնելու։ Այս մասին հայտնում է «Ամերիկայի ձայնը»։
Լրատվամիջոցը նշում է, որ չնայած դիվանագիտական որոշ պայմանավորվածություններին, այդ թվում՝ գերիների փոխանակման վերաբերյալ, Ուկրաինա ռուսական ներխուժումից հետո Մոսկվայի և Վաշինգտոնի միջև բարձր մակարդակի շփումները գրեթե ի չիք են դարձել։
«Դեսպան Թրեյսին կենտրոնացած է աննախադեպ լարվածության պահին մեր մայրաքաղաքների միջև երկխոսության պահպանման, Ռուսաստանում կալանավորված ամերիկացի քաղաքացիների շահերի պաշտպանության և ամերիկացի և ռուս ժողովուրդների միջև կապերի ամրապնդման վրա»,-ընդգծել են ՌԴ-ում ԱՄՆ դեսպանատանը։
