Ադրբեջանի ԱԳՆ-ն հայտարարություն է տարածել, որում խորհուրդ է տալիս անհարկի չայցելել։
«Հաշվի առնելով Իրանի Իսլամական Հանրապետությունում անկայուն իրավիճակը և Ադրբեջանի դիվանագիտական ներկայացուցչության դեմ իրականացված ահաբեկչությունը՝ Ադրբեջանի Հանրապետության քաղաքացիներին խորհուրդ է տրվում անհարկի չայցելել Իսլամական Հանրապետություն, և այցելուներին խորհուրդ է տրվում լինել չափազանց զգույշ»։
Հիշեցնենք՝ դեկտեմբերի 27-ի առավոտյան Իրանում Ադրբեջանի դեսպանատան վրա զինված հարձակում է տեղի ունեցել։
Հարձակումը հետ մղելու ժամանակ զոհվել է Իրանում Ադրբեջանի դեսպանատան անվտանգության ծառայության ղեկավար Օրխան Ասկերովը, կան վիրավորներ։
Դեսպանատան վրա հարձակված անձը ձերբակալված է։
Թեհրանում Ադրբեջանի դեսպանատան վրա հարձակվողն իր արարքը բացատրել է ընտանեկան խնդիրներով:
Ալիևը Թեհրանում Ադրբեջանի դեսպանատան վրա հարձակումը որակել է որպես ահաբեկչություն։
Հունվարի 28-ին Իրանի Իսլամական Հանրապետության նախագահ Սեյեդ Էբրահիմ Ռայիսին զանգահարել է Ադրբեջանի Հանրապետության նախագահ Իլհամ Ալիևին։
Ռայիսին Թեհրանում Ադրբեջանի դեսպանատան պահպանության ծառայության ղեկավար Օրհան Ասկերովի մահվան կապակցությամբ ցավակցություն է հայտնել նախագահ Իլհամ Ալիևին, հանգուցյալի ընտանիքին և շուտափույթ ապաքինում մաղթել տուժածներին:
Իրանում Ադրբեջանի դեսպանությունն ամբողջությամբ դադարեցրել է գործունեությունը:
