Էդ գործը չի փակվել, հանցակազմի բացակայության պատճառով մերժվել է, այսօր լրագրողների հետ հանդիպմանն ասաց Արարատի մարզպետ Գարիկ Սարգսյանը՝ խոսելով մամուլում տեղ գտած հրապարակման մասին, ըստ որի՝ ինքը ծեծել է տվել իրեն արտահերթ չսպասարկող վարսահարդարին:
«Երբ ես տեղեկացել եմ այդ մասին, իմ էջով հերքում եմ տարածել, իրավապահ մարմինների ուշադրությունը հրավիրե եմ այդ դեպքի վրա», - ասաց նա:
Գարիկ Սարգսյանի խոսքով՝ այսօր դատարան հայց են ներկայացրել այն լրատվականի նկատմամբ, որտեղից, նրա խոսքով, տարածվել է ապատեղեկատվությունը:
«Փոխհատուցում ենք պահանջելու ու լինելու է հերքման պահանջ», - ասաց մարզպետը:
Սարգսյանի խոսքով՝ կպահանջեն նվազագույն աշխատավարձի երկուհազարապատիկի չափով գումար:
