Ուզբեկստանում Ռուսաստանի դեսպանը հայտարարել է, որ հանրապետության վրա ճնշում է գործադրվում ԵԱՏՄ-ին միանալու հարցում:
«Այժմ տեղի է ունենում միջազգային հարաբերությունների, այդ թվում՝ միջազգային տնտեսական հարաբերությունների վերակառուցում։ Որոշ արտաքին ուժեր չեն ցանկանում, որ Ուզբեկստանը միանա Եվրասիական տնտեսական միությանը»,- «Ռոսիա-24» հեռուստաալիքի եթերում ասել է Ուզբեկստանում Ռուսաստանի դեսպան Օլեգ Մալգինովը։
Ռուս դիվանագետը նշել է, որ Ուզբեկստանը գնում է կազմակերպությանն անդամակցելու ուղղությամբ, սակայն դրա ժամկետները դեռ հայտնի չեն։
«Գործընթացն ընթանում է, բայց դժվար է ասել, թե այն որքան ժամանակ կպահանջի»,- հավելել է Մալգինովը։
Ուզբեկստանի իշխանությունները ԵԱՏՄ-ին միանալու մտադրության մասին հայտարարել են 2019 թվականի հոկտեմբերին։
