Թուրքիայի գլխավոր ընդդիմադիր «Ժողովրդահանրապետական» կուսակցության նախկին նախագահ Քեմալ Քըլըչդարօղլուի դեմ դատարանը վճիռ է կայացրել։
Թուրքական Cumhuriyet–ի փոխանցմամբ՝ Մերսինի դատարանը Թուրքիայի նախագահ Ռեջեփ Թայիփ Էրդողանին վիրավորելու մեղադրանքով 11 ամիս 20 օր ազատազրկման է դատապարտել ընդդիմադիր «Ժողովրդահանրապետական» կուսակցության նախկին նախագահ Քեմալ Քըլըչդարօղլուին։
Նշենք, որ դատական գործն ունի ավելի քան 10 տարվա պատմություն։ Քեմալ Քըլըչդարօղլուն դեռ 2014 թվականի մարտի 9-ին, Մերսինում կայացած հանրահավաքի ժամանակ անդրադարձել է 2013-ին Թուրքիայում բացահայտված կոռուպիցիոն սկանդալներին եւ քննադատել նախագահ Էրդողանին։
Քըլչդարօղլուն դատարանում հայտարարել էր, թե ինքը դատարանում է ընդամենը «գողին գող ասելու» համար։
