Իրանագետ, տարածաշրջանային հարցերի փորձագետ Վարդան Ոսկանյանը անդրադարձել է Հայաստանի տարածքում ադրբեջանցի զինծառայողի մասնակցությամբ տեղի ունեցած միջադեպին։
Նրա գնահատմամբ՝ կատարվածը ցույց է տալիս, որ Ադրբեջանի զինված ուժերում իրավիճակը կարող է էապես տարբերվել այն պատկերից, որը ներկայացվում է ադրբեջանական պաշտոնական քարոզչության միջոցով։
Ոսկանյանը նշում է, որ միջադեպին մասնակցած զինծառայողի գործողությունները, իր գնահատմամբ, վկայում են նրա ցածր մարտական պատրաստվածության և բարոյահոգեբանական վիճակի մասին։
Փորձագետը ուշադրություն է հրավիրում այն հանգամանքի վրա, որ ինքնաձիգով զինված զինծառայողը բախման ընթացքում վնասվածք է ստացել մարտական պատրաստություն չունեցող քաղաքացիական կնոջ կողմից։
Ոսկանյանի խոսքով՝ հակառակորդին չպետք է ո՛չ թերագնահատել, ո՛չ էլ գերագնահատել։ Նրա համոզմամբ՝ տվյալ զինծառայողը կարող է բացառիկ դեպք չլինել, և նման պատրաստվածության զինծառայողներ Ադրբեջանի բանակում կարող են բազմաթիվ լինել։
