Ամերիկայի նախկին առաջնորդ և նախագահի հանրապետական թեկնածու Դոնալդ Թրամփը հայտարարել է, որ Ռուսաստանին և Չինաստանին ԱՄՆ-ի թշնամիներ չի համարում։
«Կան արտաքին ուժեր, որոնց մեջ կան թշնամիներ։ Դուք նրանց անվանում եք Ռուսաստան, Չինաստան և այլն։ Ես չգիտեմ, թե արդյոք նրանք թշնամիներ են: Կարծում եմ՝ մենք շատ լավ հարաբերություններ կստեղծենք Չինաստանի հետ։ Կարծում եմ՝ մենք շատ լավ կգործենք Ռուսաստանի հետ»,- ասել է նա բլոգեր Ֆարոկ Սարմադի հետ հարցազրույցում, որը հեռարձակվել է X-ով։
Թրամփը հավելել է, որ ընտրություններում հաղթելու դեպքում մտադիր է Ուկրաինայում հակամարտությունը լուծել նույնիսկ մինչ երդմնակալությունը, որը տեղի կունենա հունվարի 20-ին։ «Ես ուզում եմ, որ դա արվի նախքան ես կզբաղեցնեմ Օվալաձև աշխատասենյակը: Ես ուզում եմ, որ դա տեղի ունենա, քանի որ [այս հակամարտությունը] պետք է լուծվի»,- ընդգծել է հանրապետականը։
