ԱՄՆ նախագահ Դոնալդ Թրամփը ուրբաթ օրը հայտարարել է, որ ցանկանում է Իրանի միջուկային ծրագիրը սառեցնել երկու տասնամյակով։
«Քսան տարին բավարար է։ Բայց ինչ վերաբերում է Իրանի կողմից տրված երաշխիքների մակարդակին, ապա այն իրականում պետք է լինի 20 տարի», — լրագրողներին ասել է Թրամփը Air Force One ինքնաթիռում։
Նա նաև կրկնել է, որ Չինաստանը համաձայն է ԱՄՆ-ի հետ՝ Իրանին միջուկային զենք ունենալը կանխելու անհրաժեշտության հարցում։
Չինաստան կատարած այցի ժամանակ ավելի վաղ Թրամփը հայտարարել էր, որ Չինաստանի նախագահ Սի Ծինփինը համաձայն է իր հետ Իրանի միջուկային ներուժի հարցում։ ԱՄՆ նախագահի խոսքով՝ Չինաստանի առաջնորդը նաև խոստացել է Իրանին ռազմական սարքավորումներ չտրամադրել։
