Արագածոտնի թեմի քահանա Տեր Մխիթար Ահարոնյանի բնակարանում կատարված խուզարկության որոշման դեմ բերված հատուկ վերանայման բողոքը բավարարվել է: Այս մասին Facebook–ի իր էջում գրել է փաստաբան Արմինե Ֆանյանը։
Նա, մասնավորապես, նշել է. «Բողոքը բավարարել է ՀՀ վերաքննիչ քրեական դատարանի դատավոր Գրիգոր Հովհաննիսյանը: Պետք է արձանագրեմ, որ այս Դատավորն արդեն բազմաթիվ անգամներ (համենայն դեպս իմ վարույթներով) աչքի է ընկել արդարադատության շատ բարձր որակով, շատ սիրուն որոշումներով և որ ամենա զարմանալին է՝ իր վարույթում գտնվող գործերով տիրապետում է բացարձակապես բոլոր նյութերին (սա բացառիկ երևույթ է նման ծանրաբեռնվածության պայմաններում):
Իմ էջում շարունակ բարձրաձայնելու եմ այս տեսակ Դատավորների մասին, քանի որ նրանց քանակը, ցավոք, գնալով նվազում է»։
