«Եթե կոնկրետ գնահատական տանք, ապա կնշենք, որ հիմա լիազորությունների փոխանցման փուլում ենք. Պաշտպանության նախարարությունից ռազամարդյունբերական ոլորտի լիազությունները փոխանցվում են Բարձր տեխնոլոգիկան արդյունբերության նախարարությանը, որն էլ ամբղջությամբ զբաղվելու է ոլորտի խնդիրներով:
Կարծում եմ` ամենակարևոր փոփոխությունը այս պահի դրությամբ սա է, քանի որ տարիներ շարունակ ոլորտի ձեռնարկութունները բողոքում էին, որ մեկ մարմնից կախվածությունը բերում է որոշումների կայացման սուբեկտիվության», - այս մասին Politik.am-ին հայտնեց «Իմ քայլը» խմբակցության պատգամավոր Տիգրան Կարապետյանը` ի պատասխան մեր հարցին, թե հեղափոխությունից հետո ռազմաարդյունաբերության զարգացմանն ուղղված ի՞նչ քայլեր են ձեռնարկվում:
Տեղեկացնեք, որ պատգամավորը զբաղվել է ռազմարդյունաբերական ոլորտով, և նախկինում նկատել է, որ հեղափոխությունից հետո ոլորտային զարգացումների համար նոր նախադրյալներ են ստեղծվել.
«Ինչ վերաբերում է զարգացմանը, ապա նախագծային աշխատանքներին տրամադրվող գումարների մասով բյուջեի շեշտակի աճ կունենանք: Կառավարությունը այս մասով հայտնել է իր դիրքորոշումը: Մեր ընկերությունները դրսում ակտիվորեն մասնակցում են տարբեր ցուցահանդեսների, օրինակ` հունիսի 26-ին Մոսկվայում խոշոր ցուցահանդես է տեղի ունենելու, որին հայկական ընկերությունները կներկայացենք իրենց արտադրանքը: Այսինքն` Բարձր տեխնոլոգիկան արդյունբերության նախարարությանը ամբողջությամբ իրացնում է դրսում նոր շուկաներ ապահովելու իր գործառույթները»,- ասաց Կարապետյանը:
Նա նաև տեղեկացրեց, որ անցումային փուլի հետ կապված որոշակի խնդիրներ կան, բայց դրանց լուծումները ընթացքի մեջ են: Մեզ համար կարևոր է նաև հասկանալ` սպառազինության հետ կապված ով է մասնակցելու որոշումների կայացմանը:
Հարցին, թե ի՞նչ զինատեսակներ են արտադրվում ՀՀ-ում, արդյո՞ք դրանք բավարար են ներքին սպառման համար և կարո՞ղ են մրցունակ լինել շուկայում, պատգամավորը հայտնեց` ունենք զինատեսակներ, որոնք օրինակ` փորձարկումների փուլում են կամ բանակ են ընդունվել: Իհարկե, այսքանը մեզ չի բավարարում, և այդ չբավարարելով է պայմանավորված Կառավարության նախաձեռնած քայլերի հերթականությունը.
«Իհարկե չենք կարող ամբողջությամբ բաց խոսել, թե ինչ ենք մենք արտադրում: Այն ինչի մասին խոսել ենք, զրահաբաճկոններն են, ռադիոէլեկտրոնային պայքարի միջոցները...
Սակայն սա մեզ չի բավարարում, և գործադիրի կողմից նախաձեռնած փոփոխությունները հենց այս տրամաբանության շրջանակներում են, որպեսզի ավելի լայն հնրավորություններ ընձեռնվեն ոլորտի ընկերություններին, և այն մտքերն ու նախագծերը, որոնք ունեն ռազարդյունաբերական ձեռնարկությունների թիմերը, ավելի հեշտ իրագործվեն: Աշխատում ենք տարբեր ուղղություններով, սակայն ժամանակը ցույց կտա, թե Պաշտպանության նախարարությունը կամ Գլխավոր շտաբը ինչ ուղղությանների վրա հիմնական պատվերը կընդգծի` որպես մեր բանակի սպառազինություն»,- ասաց Տիգրան Կարապետյանը` ամփոփելով` այս հարցը քննարկման փուլում է, սակայն կան 4-6 ուղղություններ, որոնցով աշխատանքերը շարունակում ենք, և իսկապես լուրջ արդյունքներ կան գրանցված:
