Թայվանի զինված ուժերը արձանագրել են, որ մեկ օրում կղզուն են մոտենում Չինաստանի 17 ինքնաթիռներ և ժողովրդական ազատագրական բանակի 11 նավ։ Այս մասին հայտնել է կղզու պաշտպանության վարչությունը։
Ենթադրվում է, որ 14 ինքնաթիռ հատել է Թայվանի նեղուցի միջին գիծը և մտել կղզու հարավ-արևմտյան մասում գտնվող ՀՕՊ նույնականացման գոտի։
Թայվանի բանակը պատասխանել է՝ օգտագործելով ինքնաթիռներ, նավեր և ցամաքային զենիթահրթիռային համակարգեր՝ թիրախներին հետևելու համար:
